sábado, 4 de agosto de 2007

VIRIATO E AS ARRIBAS DO DOURO

SENDIM - FARIZA - ARRIBAS DO DOURO - VIRIATO


pendones de la fiesta



Ua moneda de prata eibérica an Sendin

Un die fui a bejitar ua eirmita acerca de Fariza, an Spanha, de l outro lado del riu Douro, delantre de Bilachana, i quedei ademirado. La fiesta que fázen alhá, chaman-le la fiesta de ls Viriatos.
Muitos outores dízen que Viriato andube pur estes lados. Ten ua Státua an Çamora. Cierto ou no, l que se puode dezir ye que giente amportante, de l sou tiempo, porqui passou. Se nó, cumo se splica que ne l termo de Sendin se ancuntrara ua moneda eibérica de prata?
La stória bai-se fazendo als poucos, i a las bezes, tenemos que ancontrar decumientos i saber liendas, ó tradiciones, que fágan la ligaçon para tirar cunclusones.
Dar-las a coincer ye un ampercípio para quin querga studar bien l assunto.
Pus quedai a saber, que ye cierto, que esto ye berdade. La tradicion eijiste e la moneda tamien. (1)

(1)-Ber:  Memorias Arqueológicas, Tomo IX, pag. 477, por Francisco Manuel Alves.
Abiso:
Este testo, cunsante las regras de la Cumbençon Ourtográfica de la Léngua Mirandesa i de la sue Purmeira Adenda, stá solo screbido cun L- an percípio de palabra, a la moda de l mirandés de Sendin.



Sem comentários: